Home Police Homber burachi y posiblemente indocumenta, a hera dal polisnan mata cu su...

Homber burachi y posiblemente indocumenta, a hera dal polisnan mata cu su auto

SHARE

Stadionweg – Diasabra mey anochi birando diadomingo varios patruya di polis a sali direccion di rotonde Las Americas, debi cu un auto color cora a hera dal un of agente policial.

Mesora agentenan a sali su tras y pariba di Cas di Cultura nan a logra par’e.

Agentenan a ripara mesora cu e ta bou influencia y a detene mesora y tambe pa loke e la caba di haci.

Segun nos a compronde agentenan cu tawata patruyando ariba bicicleta tawata esnan cu por a bira victima di e homber aki. E auto lo ta un Deawoo color cora.

Na e sitio den algun minuut tawata yena cu polis.

A pidi transportwagen pa e homber, unda cu e cargonan lo ta core auto burachi y tambe intento di asesinato.

Na yegada di transportwagen e la wordo hiba warda di San Nicolas, unda e lo mester papia cu un Sub Fiscal.

Probablemente e persona aki ta indocumenta ariba nos isla, e parti ey GNC(Guarda Nos Costa) lo tin di bay saca afo esey.