Rockefellerstraat – Diabierna anochi pasa di 9’or informacion a drenta cu e establecimiento nobo dilanti e edifio di Dimas lo tin aglomeracion di hende.
Mesora varios unidad di polis a bay e sitio mirando cu ta trata di un multitud basta grandi.
E negoshi aki a habri diaranson y tawata tin un multitud grandi.
Diabierna anochi polisnan a bay paden, y no a bin constata ningun novedad o sea e luga tawata cumpli cu e reglanan impone door di Crisis Team.
Dado momento polisnan mester a atende si cu un pareha turista cu a lanta baila, locual no ta permiti.
Polisnan ta pasa controla of tira bista ariba establecimiento nan, pero no por ta asina cu e agentenan mester baby sit ciudadanonan.
Aruba mester di polisnan pa mantene ordo y combati criminalidad.
Pues un apelacion ta bay na tur hende pa sigui e reglanan stipula pa asina nos combati y sobrevivi e Pandemia aki.
E ta den bo man.