Rotonde Belgiëstraat – Diasabra mainta den careda di 8’or polis a wordo informa di un caso lamentabel unda un homber a maltrata un dama den auto.
Esaki a sosode of miho bisa a termina momento cu e Chevrolet Aveo cu e pareha tawata aden a bay dal contra un palo di kwihi, na e rotonde di Belgiëstraat.
Segun informacion di testigonan, e homber lo tawata bezig ta maltrata e dama pa algun rato y despues a manda e auto y dal e contra e mata di kwihi.
Despues di e esaki e la bandona e sitio bayendo direccion zuid.
Mientrastanto polis a pidi pa ambulance y demas departamentonan manera bfto, recherche y slachtofferhulp.
A wordo bisa cu e homber a bay sconde den e mondi poco mas pazuid, pero despues di busca algun rato no a bin haya e homber.
Autoridad tin tur informacion di e homber.
Paramediconan cu a yega e sitio a opta pa hiba e dama Hospital mirando cu e la ricibi sla na cabes.
