Home Politics Parlamentario Darlaine Guedez-Erasmus (MEP): Re-apertura di refinineria lo crea 2100 cupo...

Parlamentario Darlaine Guedez-Erasmus (MEP): Re-apertura di refinineria lo crea 2100 cupo di trabou disponibel

SHARE

 

 

Dialuna 7 december 2020 durante un encuentro publico Prome Minister sra. Evelyn Wever-Croes hunto cu e comision di conseheria a bin splica Parlamento di loke ta trata e proceso di refineria. 

 

E comision a conseha gobierno pa sigui cu e dos companianan Mericano. Quanten LLC pa loke ta operador di refineria y Eagle LNG pa loke ta un proyecto di LNG cu lo suplementa entre otro operacionnan di refineria. 

 

Quanten LLC ta propone pa rehabilita e refineria y lo inverti 3.5 biyon dollar den un transcurso di 3 aña, y e otro compania Eagle LNG cu lo invesrti 185 miyon dollar den transcurso di 2 aña pa locual ta e proyecto di gas. E proyeccionnan ta mustra cu lo crea un total di 2100 cupo di trabou, unda cu e refineria lo ofrece 2000 cupo y e compania di gas lo genera 100 cupo di trabou.

 

E proceso encamina di principio tabata uno transparente y a wordo haci door di e comision independiente cu ta conseha gobierno di Aruba. Asina cu e negosacion termina pronto, por cuminsa na 2021 cu e ehecucion di e proyecto aki, di cual ta un proyecto hopi positivo y sigur lo ta un gran speransa pa Aruba.