65
EL PASO – Un muher di 47 aña cu tawata a punto di bira hues na Texas, a muri door di coronavirus.
Lilian Blancas a participa na e pre-eleccion pa hues cu a tuma lugar dia 3 di november na e ciudad di El Paso y a gana e prome ronda. Ainda e lo mester a participa na un segundo ronda. Esaki ta planea aki un paar di dia. Desde 9 di november e ta drumi den hospital.
Enrique Holguin cu tambe a participa na e eleccion a bisa El Paso times cu e ta den shock. “E no tawata mi contrincante pero un amiga. Mi otro coleganan tawata sa caba cu e tawata hopi malo.”
Lilian Blancas tawata tin su propio oficina di abogado y tawata traha part-time como hues y tawata spera di dal un paso dilanti despues di e eleccion.