Home International Drumi/nap na trabou: con esaki por haci nos mas eficiente

Drumi/nap na trabou: con esaki por haci nos mas eficiente

SHARE

 

Ora nos drumi un rato pa descansa, nos ta drecha e balans den nos sistema nervioso. Drumi pa descansa, tambe conoci como ‘nap’, ta yuda nos sistema recupera. Drumi tambe tin consecuencia positivo pa nos sistema imunologico. Ki efecto e tin, ta depende di ki ora nos ta drumi y con largo. Segun Dr Nerina Ramlakhan, un terapeuta di soño na London, un “power” nap – di un maximo di 20 minuut – ta nifica cu bo ta keda den un estado casi na soño, pero bo ta lanta cu un mente skerpi. Un “recovery” nap ta dura 40 minuut y ta nifica cu bo ta drumi levemente. Un estudio di Nasa a proba, cu esaki ta haci cu piloto y astronautanan ta bira hopi mas alerta. Un “prophylactic” nap ta pa esnan cu ta falta hopi soño, y ta nifica drumi te ora cu bo ta sinti miho. Otro expertonan ta papia di “twilight” naps, tambe conoci pa studiantenan universitario como “disco” naps prome cu un anochi di salimento; y “caffeinated” naps, cu ta nifica bebe un coffee net prome cu bo pega soño, pa bo lanta contento. Un ciclo completo di soño cu ta inclui slow-wave y REM sleep y ta mehora creatividad, ta dura 90 minuut. Naps ta separa di nos drumimento di anochi.

E mihor ora pa nap ta entre 1pm y 3pm y en todo caso no mas laat cu 4pm, of e lo afecta bo soño anochi. Si bo ta un persona cu tin dificultad pa drumi anochi, evita di nap durante dia. Pa un nap cortico ta miho pa keda semi-sinta of drumi ariba e cubrecama en bes di bai bou di kleechi, cu lo ponebo pega soño mas diep y lanta groggy. Pone un alarma.

Naps ta instrumentonan proactivo y productivo, pa percura cu nos ta keda den forma. Drumi den dia ta igual na un periodo di recuperacion. 

“Pensa esaki: 10 pa 15 aña pasa, si nan a garabo ta nap durante trabou, bo lo por a haya retiro. Awor, hopi compania ta trahando ariba facilidadnan pa encurasha esaki,” segun Dr Matthew Walker, profesor di neurosciencia na University of California, Berkeley, kende a skirbi e bestseller di 2017 “Why We Sleep”.  “Mi ta haya esaki algo excitante,” e ta continua. Pero, “nos por wak cu esaki ta birando un custumber? No, ainda no.”