Home » Jeffrey Fradl ta entrega protesta cerca Hof den procedura di LAR

Jeffrey Fradl ta entrega protesta cerca Hof den procedura di LAR

by Admin
0 comment 110 views

Jeffrey Fradl a protesta cerca Hof den procedura di LAR, contra e hecho cu Hof no a invita RBC Royal Bank (Aruba) N.V. pa ta presente como derde belanghebbende den e procedura entama door di Fradl contra Banco Central.

Fradl a indica cu alrededor di Afl. 88.000 florin a desaparece for di su cuenta bancario di RBC. Na april 2018 Fradl a entrega un keho cerca Banco Central, contra RBC Royal Bank (Aruba) N.V., den cual Fradl ta pidi Banco Central pa hasi un investigacion contra e manera di proceder di RBC Royal Bank (Aruba) N.V. pa cu su propiedad, cual segun Fradl ta consisti di e delitonan conoci como valsheid in geschrifte y verduistering.

Banco Central a trata e keho di Fradl y a dune oportunidad pa laga traha un rapport financiero nobo. En coneccion cu esaki, Banco Central a para e tratamento di e caso te ora e registeraccountant a keda cla cu e raport. Despues cu e rapport aki a wordo traha, Fradl a uza e contenido di esaki pa amplia e motibonan di su keho contra RBC.

Banco Central a manda e keho di Fradl pa RBC pa nan por reacciona ariba esaki. Despues cu RBC a reacciona por escrito ariba e keho di Fradl, Banco Central a informa Fradl na december 2018 cu su keho – conforme e procedura di LAR – ta no-admisibel.

Contra e decision aki Fradl a bai den bezwaar y su bezwaarschrift atrobe a wordo declara no-admisibel door di Banco Central, sin cu esaki a wordo trata door di Bezwaaradviescommissie di LAR.

Contra e decision aki Fradl a entama beroep cerca Hof den caso di LAR. E tratamento di e caso aki ta poni pa 9 december 2020, 9’or di mainta, pero a bin resulta cu RBC no a wordo yama door di Hof como derde belanghebbende.

Esaki ta pone Fradl conclui cu e tratamento di e caso aki a wordo ‘gefix’ caba y Fradl ta premira cu su beroep lo wordo declara sin mas como no-admisibel door di Hof. Den un carta dirigi na Hof, Fradl a protesta contra e manera di proceder aki cu ta lage sinti cu e proceso no ta uno husto.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio