Home » Parlamentario Rocco Tjon (MEP): Quanten LLC kier inverti 3.5 biyon dollar pa rehabilita refineria.

Parlamentario Rocco Tjon (MEP): Quanten LLC kier inverti 3.5 biyon dollar pa rehabilita refineria.

by Admin
0 comment 46 views

 

 

 

Ayera durante un encuentro publico Prome Minister sra. mr. Evelyn Wever Croes a splica Parlamento cu e “advisory committee” a conseha gobierno pa sigui cu dos compania Mericano. Quanten LLC pa loke ta operador di refineria y Eagle LNG pa loke ta un proyecto di LNG cu lo suplementa entre otro operacionnan di refineria.

 

COMISION DI CONSEHO

Un comision di conseho cu ta consisti di ingenieronan renombra den e mundo di rafinahe a conseha Gobierno pa sigui cu e dos companianan aki. Quanten LLC ta un di e companianan cu ta forma parti di e consorcio cu ta propone pa rehabilita e refineria. Banda di esaki tin companianan renombra den e mundo financiero cu tambe ta forma parti di e consorcio. Nan tin experiencia pa financia tipo di proyectonan aki. Mirando e hecho cu e companianan Mericano aki ta renombra, tin e capital necesario pa por ehecuta e proyectonan aki, a conseha Gobierno pa sigui cu Fase 2 aworaki.

 

CONSUL MERICANO CHRISTIAN OLSEN

Ta importante pa señala cu recien ainda nos a reuni cu e consul Mericano pa asuntonan economico. Sr. Christian Olsen a garantisa nos cu e companianan Mericano tin e capital necesario, pasobra Gobierno di Merca mes a screen nan. E proceso aki yama “Proces of advocacy” y ta encera tambe screening (vetting). Y esaki ta e motibo cu e consul Mericano sr. Christian Olsen a garantisa cu e companianan aki tin e capital pa por ehecuta e dos proyectonan aki. 

Quanten LLC lo inverti 3.5 biyon dollar den un transcurso di 3 aña, y Eagle LNG lo inverti 185 miyon dollar den un transcurso di 2 aña. E proyeccionnan ta mustra cu lo crea un total di 2100 cupo di trabou y e impacto economico na 2021 lo ta un crecemento di 9.3% di nos GDP, na 2022 20% y 2023 10.8%.

 

PA CONCLUI

Nos por wak bek riba un proceso completamente transparente caminda un comision independiente a conseha Gobierno. Un proceso diferente cu esun cu AVP a encamina tempo di Citgo. Te hasta Gobierno di Merca a duna su “stamp of approval” pa e dos companianan Mericano aki. Mirando e impacto positivo pa Aruba nos ta spera cu e fase di negosacion termina pronto, pa asina na 2021 por cuminsa cu ehecucion di e proyectonan aki.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio