Caya Frere Henricus – Diasabra anochi pasa di 9’or polis a bay un cas situa den Caya Frere Henricus, unda despues di un discusion un persona a wordo maltrata.
Na yegada di polis a resulta cu e situacion tawata mas serio di loke a wordo pensa.
Tawata trata di un problema entre bisiña cu bay for di man momento cu un a sali di su cas arma cu un cuchiu, locual e lo a usa pa hinka su bisiña dos biaha.
Na e sitio polis a papia cu e cabayero herida, y e la mustra unda e la ricibi e hinkanan cu tawata ariba su cabes y den lomba.
Mesora a pidi asistencia di ambulance y tambe recherche y bfto.
Mas polis a yega na e sitio, pa mira con ta bay detene e bisiña cu tawata paden y no tawata sali pa duna cuenta.
Mientrastanto un polis di rango halto a yega cu ta Subfiscal.
Pero dado momento por a scucha e porta dilanti habri y e agresor a sali y mesora polisnan a detene.
E la wordo hinca den patrouille wagen y hibe directamente warda.
Pa loke ta e victima, na yegada di Paramediconan despues di a controla e homber herida a sali direccion Hospitaal unda e lo ricibi tratamento pa su heridanan.
Na e sitio Arubanative a puntra un di esnan envolvi kiko a start e problema, y e la bisa cu tawata relaciona cu tocamento di muziek duro unda nan lo a reclama e agresor.
Polisnan cu a drenta den e cas te na e momentonan ey no a logra haya e arma usa pa comete e acto.
