Home » ARUBA BANK ORGUYOSO DI SU EKIPO DI DAMAS CU A PARTICIPA DEN RONDE VAN ARUBA

ARUBA BANK ORGUYOSO DI SU EKIPO DI DAMAS CU A PARTICIPA DEN RONDE VAN ARUBA

by Admin
0 comment 66 views

 

 

Oranjestad, December – E aña aki un biaha mas Aruba Bank a participa den e di 28 Ronde van Aruba cu un ekipo di damas. E Ronde van Aruba ta un evento anual y Marinierskazerne ta organisando esaki pa 28 biaha.

E ekipo tabata consisti di Roixian Oleana – Janzen, Sandra Paola Murcia, Yuli Tineo y Ada Guerra. E competencia di Ronde van Aruba ta consisti di diferente categoria, tanto individual como di ekipo manera duo, estafette of mixto. E ekipo di Aruba Bank a prepara nan mes pa asina por a participa den e Ronde van Aruba, cual a cuminsa diabierna anochi y termina diasabra mainta.

 

E ekipo a ricibi sosten di esunnan cu a acompaña nan den auto, kendenan tabata duna nan e animo pa sigui core pa asina termina e coremento di 72KM.

 

Sostenedornan tabata para banda di caminda pa asina apoya e ekipo den e careda cu ta exigi hopi di e miembronan individualmente. E competencia aki a exigi condicion fisico y energia di e participantenan. Aruba Bank ta orguyoso y ta felicita su ekipo cu a participa den Ronde van Aruba.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio