Home » Comicion Vision Pedagogico Aruba a ricibi presentacion di un investigacion piloto cu a wordo ehecuta bou di hobennan di Aruba

Comicion Vision Pedagogico Aruba a ricibi presentacion di un investigacion piloto cu a wordo ehecuta bou di hobennan di Aruba

by Admin
0 comment 83 views

Oranjestad, Aruba: Dia 3 di december ultimo e Plataforma Vision Pedagogico cu ta sostene e Comicion Vision Pedagogico di Aruba a tene su ultimo reunion di aña 2020. Como invitado special sra. Paula Kibbelaar a duna un presentacion di su investigacion piloto cu a wordo haci na aña 2019 cu 900 hoben aki na Aruba, bou di edad di 9-10 aña (5de y 6de klas).

E investigacion piloto aki a wordo realisa hunto cu Departamento di Enseñansa, Vrije Universiteit Amsterdam, Ministerio di Onderwijs y tambe IPA. E investigacion su titulo ta “Quality of life of the Aruban youth” a wordo entrega oficialmente.

Sra. Kibbelaar a duna diferente puntonan referente su resultadonan di e investigacion.
A investiga e calidad di bida den 5 area: scol, salud, relacion familiar, bario y lenguahe. E resultadonan a indica un bes mas e importancia di e relacion familiar den bida di nos hobennan y cu na momento cu esaki ta stabil e muchanan ta contento y nan calidad di bida ta bon.

Un danki na tur instancia cu tabata presente pa asina ricibi e presentacion aki: Stichting Adra, Wit Gele Kruis, Slachtofferhulp, Telefon Pa Hubentud, Famia Planea, Tienda Di Educacion, Stichting Casa Cuna, Fundacion Guiami, KPA, Veiligheidshuis, Pasadia Te Aworo, JGZ, Fundacion Respeta Mi, Fundacion Pa Nos Muchanan, Centro pa Hoben y Famia di Sociaal Crisis Plan, FADA y Departamento di Asunto Social.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio