Dordrecht, Hulanda: Recientemente Corte na Dordrecht a condena un homber (33aña) cu un castigo di prison di 18 aña.
E homber aki procedente di Rotterdam riba 6 di november 2019 a asesina un otro homber. E la asesina su victima cu un arma di candela di cual e la los 14 tiro, cu resultado fatal. Na momento di e tiramento e victima tabata den un auto, e bentanan y portanan tabata cera. Esaki a haci cu tabata imposibel pa e victima lo por a scapa for di e homber aki. E homber a yega di sorpresa riba dje y a cuminsa los e tironan.
Segun corte di Dordrecht, e tiramento a tuma luga riba caminda publico den un bario hopi habita
E motibo principal di e asesinato, tabata celos cu a conduci na un pleito tocante un Friendsrequest y mandamento di message riba Facebook.
E victima lo a message e pareha di e homber riba Facebook y esaki no a cay den bon tera cerca e sospechoso.
Corte di Husticia a baha pisa ariba e sospechoso aki, mirando e motibo real cu e sospechoso a uza, pa a yega asina leu di pasa man pa un arma y likida un persona.