Home » SunDayRide no a para keto

SunDayRide no a para keto

by Admin
0 comment 70 views
 
SunDayRide ta consisti di diferente clubnan di bais cu ta uni hunto ariba tur Diadomingo. Nan ta cuminsa na Drive Inn 5’or y mey di mainta y ta core bay te Seroe Colorado bin bek abou bay California Light House y ta caba na All Care Dental na Wayaca di e Dentista v/d Linde banda di 9’or y mey di mainta.
 
Un union unico di e clubnan cu ta entre otro Sport 4U, Patrishi Sports, Fx- Aruba y Velocity cu ta conta cu 30 coredo cu sa bini hunto pa train y competi cu otro. Covid no a frena nan, e coredonan di bais a sigui train mas duro.
 
Incoe Martinus y su sra. Jannelle Martinus Vlaun ta fiel coredo di bais ariba Diadomingo. Giannon Eights yiu di Glennon Eights kende ta Aruba su number un den Triathlon den su categoria no sa perde. Giannon Eights ta sali for di su cas na San Nicolas ranca bay abou pa bolbe bay bek ariba.
 
Kevin Lee ta uno cu semper ta gusta reta e otronan y esaki ta cay bon den tur hende cu ta wordo stimula pa core mas duro. Tin biaha Glennon Eights sa sigui nan pa si algo pasa el lo  por asistinan pa asina tur hende por sigui e ruta. Ariba e ruta largo aki nan sa stop na Seroe Preto, Seroe Colorado y California Light house. Si tin mas hende cu ta interesa pa join e team di bais por acudi na Drive Inn Prome cu 5’or y mey di mainta ariba tur Diadomingo of por subi Facebook di Sports4U.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio