Home » Homber sospecha di a mata su propio mama

Homber sospecha di a mata su propio mama

by Admin
0 comment 81 views

 

ROERMOND – Ministerio Publico ta sospecha un homber di 25 aña procedente di Den Haag di a mata su propio mama di 57 aña dia 29 di augustus 2020 na Venlo. Na januari e homber lo wordo interna den Pieter Baan Centrum (PBC).

Segun Ministerio Publico e homber Cas A. a hinca su mama varios bes cu cuchiu y pesey ta wordo papia di asesinato. Esaki a sali na cla na momento cu e homber a aparece dilanti corte na Roermond. E sospechoso mes a wordo herida gravemente durante e incidente y mester a wordo hiba hospital.

Tanto e sospechoso como su mama, cu tawata biba na Amersfoort, tawata di bishita na un cas na Ferdinand Bolstraat na Venlo, na unda e drama a tuma lugar. E doño di e cas a logra huy sea prome of durante e incidente. E victima di 57 aña a wordo herida seriamente y a fayece na e sitio.

Dilanti hues, A a bisa den un declaracion cortico, cu e ta sinti su mes „sumamente culpabel” pa locual a pasa. „No tin un dia cu ta pasa sin cu mi ta wordo afecta door di imagennan di mi mama”, e ta bisa. „Mi kier wordo yuda mas pronto posibel.” Segun e mes ta bisa, e ta bou tratamento sicologico y e ta bebiendo medicina.

Segun su abogado, despues di e indicente A. tawata hopi bruha y tawata halucina. El a pidi corte pa trata e caso mas pronto posibel.

En coneccion cu e situacion di coronavirus, e sospechoso no a wordo interoga na corte, pero den prison, via skype. Na februari e lo mester bolbe aparece dilanti corte pa trata un rapport di PBC, den caso cu esaki keda cla prome cu e fecha.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio