Home » En conexion cu celebracion di 100 aña di MetaCorp: Pelicula gratis na IMAX durante e prome siman Pasa na The Movies @ Renaissance Marketplace pa reclama bo entrada

En conexion cu celebracion di 100 aña di MetaCorp: Pelicula gratis na IMAX durante e prome siman Pasa na The Movies @ Renaissance Marketplace pa reclama bo entrada

by Admin
0 comment 67 views

 

 

ORANJESTAD, Aruba –  Gloria – Movies, Dining, Entertainment, and Play, uzando e tecnologia IMAX ta cla pa habri su portanan pa Aruba. Esaki como parti di e celebracion di 100 aña di MetaCorp. Pa motibo di COVID-19 no por celebr’e manera lo kier, pero esey no a stroba e compania netamente Arubiano pa inverti no menos cu 40 miyon florin den un centro di entretenimiento.

 

MetaCorp ta conoci pa duna bek na comunidad y un biaha mas a bin cu e idea con pa haci algo pa Aruba completo, asina Devin de Veer, coordinador di benta y mercado na Gloria – Movies, Dining, Entertainment, and Play, a bisa. Nan a scoge pa haci un siman di pelicula gratis dia 10 di december te 16 di december 2020.

 

E campaña pa busca entradanan gratis ta cuminsa diaranson dia 2 di december desde 12:00PM na The Movies situa den Renaissance Marketplace. Por inscribi desde 12:00PM te 8:00PM y lo sigui te ora yena tur e salanan completo. 

 

Na momento cu Gloria – Movies, Dining, Entertainment, and Play habri e portanan diahuebs dia 10 di december 2020, lo tin no menos cu 2200 persona cu por bay admira pelicula pa dia, teniendo cuenta cu distanciamento social. Tur hende por yega The Movies @ Renaissance Marketplace, inscribi p’e super card y bo ta cla! Cu esey por disfruta di e beneficionan pa otro aña. Pa loke ta trata e super card, por inscribi 2 hende of mas, pasobra e no tin limite.

 

E concepto ta completamente diferente, pasobra e ta trece entretenimento na un otro nivel. Devin de Veer a expresa cu e mes tin biaha ta lubida cu e ta na Aruba, esey ta pa motibo cu na momento drenta Gloria, e luga ta parce manera ta na Merca bo ta. Separa di pelicula den e 10 salanan, tin opcion di diferente restaurant, luga di ijscream, Starbucks y hasta tin un playground grandi pa e muchanan.

 

The Movies ta ofrece diferente opcion pa famia completo. Pa esunnan cu kier bay cera conoci cu e compleho di entretenimiento cu muchanan chikito, anto por busca entrada gratis pa e pelicula Despicable 3. Den IMAX lo bo por admira Batman y haya sa kico IMAX ta di berdad. Tin e area di VIP y esaki ta pa 18 aña bay ariba, lo tin e pelicula di Fast & Furious 7.

 

“Corda bon cu ta hopi mil hende lo por mira pelicula gratis den e prome siman aki, pero mester inscribi prome pa ricibi bo ticketnan. Orario di cinenan ta varia for di trempan atardi te anochi. Ora cuponan yena, no por entrega mas carchi, pues sigura bo carchinan trempan”, asina Devin de Veer a termina bisando. 

 

FIN

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio