Den Haag, Hulanda – Den un caso di hincamento tres trahado di un supermercado a keda herida, esaki a sosode den un supermercado Albert Heijn den Grote Marktstraat na Den Haag. Dos di e heridonan nan situacion tabata mas serio y mester a wordo transporta pa hospital. E sospechoso principal despues di a hinca e personanan aki, a huy for di e supermarket. Un rato despues na Pijnacker polis a logra pone man riba un homber di 43 aña, su involvimento den e caso aki ta bou investigacion.
Hincamento y candela
E melding di e hincamento a drenta cerca polis den careda di 12’or di merdia. Na e mesun momento a drenta un otro melding cu lo tin un candela den e mesun supermercado aki. Algun agente policial a cuminsa mesora cu un investigacion pa motibo cu polis tabata tin un sospecho fuerte, cu e sospechoso ta envolvi den ambos incidente
Transporta pa hospital
E dos victimanan a wordo transporta pa hospital y tambe tres agente policial cu a enhala huma, a haya problema cu halamento di rosea tambe a wordo transporta pa hospital pa un control medico.
Detencion di sospechoso
Un rato despues di e hincamento un team special di aresto, hunto cu K9, a haci un entrada hudicial na un cas caminda e sospechoso lo por tabata scondi, pero durante e entrada hudicial nan no a bin topa cu e sospechoso. Un poco despues den area di e station na Pijnacker nan a logra detene e sospechoso di 43 aña.
E motibo ta bou investigacion
Kiko tabata e motibo pa hinca e victimanan y di e candela te na e momentonan aki no ta conoci. E departamento Forensico ta haciendo nan investigacion na e dos sitionan cu ta den e Supermercado y na e cas . Tambe Polis ta mirando tur e grabacionnan di e security cameranan den e areanan aki.
Polis ta pidi cooperacion
Tambe polis ta pidi e habitantenan di Den Haag cu si nan por sa of por a mira algo pa nan meld of tuma contacto cu polis. Si un persona por tin un grabacion of potret di e incidente pa contact polis tur esaki lo por yuda pa soluciona e crimen aki.