E Youth Club di YMCA ta sumamente druk cu tur e preparacionnan pa e ‘TeamUp4Shady Car Rally’. Esaki lo tuma luga ariba diadomingo 20 di december, cuminsando for di 10or di mainta dilanti Massive FM na San Nicolas y lo ta finalisando pa 2or di merdia na YMCA San Nicolas. Lo tin diferente tarea cu mester wordo completa pa asina haya punto y e gruponan cu mas punto lo gana premionan atractivo. E inscripcion ta costa 25 florin pa auto y por inscribi na YMCA Dakota of YMCA San Nicolas.
E meta di e actividad aki ta pa, di un banda, recauda fondo pa Shady, un mucha muhe di 9 aña cu mester busca su salud den exterior, y, di otro banda, recauda fondo pa e Youth Club pa asina nan por sigui cu nan plannan pa haci tayernan pa nos hobennan y actividadnan pa e comunidad.
Nos kier a yama danki na e companianan cu ya caba ta dunando nos un man pa haci e dia aki uno exitoso y cu diferente premio: Massive 103.5 FM, Paper Sisters, Mario’s Sport Shop, Popcorn Dancer Club, The Movies, Islander Grill Restaurant y AVC.
Bo kier pasa un dia alegre hunto cu famia of amistades y alabes yuda un bunita causa? Inscribi na e ‘TeamUp4Shady Car Rally’ y bo lo tin e oportunidad pa gana diferente premio. Sigui e Facebook di YMCA Youth Club y YMCA Aruba pa haya informacion actual y tambe pa haya sa na ki momento nos ta na radio of television pa por sintonisa. Nos ta conta riba bo sosten!