Home » A.T.A. TA CONMEMORA OTRO PASO CLAVE: REAPERTURA DI LATINO AMERICA

A.T.A. TA CONMEMORA OTRO PASO CLAVE: REAPERTURA DI LATINO AMERICA

by Admin
0 comment 59 views

 

 

 

ORANJESTAD – Diamars dia 1 di december a tuma luga e reapertura oficial di e mercado di Latino America. 

 

Cu 7 buelo pa siman, e aerolineanan cu ta inicia buelo pa Aruba ta Avianca, Copa, y Wingo.

 

E mercado di Latam semper a hunga un rol clave pero tambe strategico den Aruba su industria di turismo. Cu diferente gateway den varios paisnan Latino, e crecemento di Aruba su turismo ta significante for di Latino America. Durante 2019, e mercado aki a trece un total di 106.679 bishitante pa nos isla. Ta proyecta cu pa 2021 den e scenario optimista ta spera alrededor di 35.649 bishitantenan di Latam. For di e scenario conservativo lo spera 27.712 bishitantenan di e continente aki

 

A.T.A. den su rol como e Destination Marketing & Management Organization ta trahando incansabel pa reconstrui nos industria di turismo. Diversificacion den nos mercadonan turistico ta sigui hunga un papel importante pa cu e strategia general. Lo sigui priorisa Merca, pero actividadnan organiza pa atrae bishitante pa nos destinacion lo sigui domina den e mercadonan principalmente di Colombia, Brazil, Chile y Argentina. Tambe ta sigui cu esfuerzonan den e mercado Europeo. 

 

Pa cu Latino America, e enfoke lo ta riba e generacionnan di millennials y Gen X-ers kende ta prepara pa biaha den e temporadanan awo. Mester bisa cu e region di Latino America semper a sa di trece proporcionalmente mas bishitante hoben den e categorianan menciona. A.T.A. lo sigui tambe cu actividadnan cu e aerolineanan regional manera Avianca, Copa y Wingo. 

 

Mester menciona cu – pa loke ta e pandemia mundial di COVID-19 –, crisis team lo sigui monitorea e situacion den e mercadonan di Latam pa asina evalua con nan mes ta manehando e cantidad di casonan. 

 

Presente na e evento di reapertura tawata entre otro CEO di Aruba Tourism Authority Ronella Tjin Asjoe-Croes, CEO di AAA Joost Meijs, CEO di AHATA Tisa LaSorte, Director di Departamento di Aviacion Civil Edwin Kelly, y managers y representantenan di e diferente aerolineanan manera Avianca, Copa, Wingo, Sky High y Air Century.

 

Pa medio di esaki, A.T.A. ta gradici tur cu a traha duro pa por a logra e punto aki. Alabes ta apela na un y tur pa mantene cautela y keda cuida! Pa asina no mester resorta na re-introduci medidanan y tuma pasonan cu ta afecta nos turismo y nos recuperacion economico! 

 

-FIN-

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio