Home Politics Parlamentario Alan Howell Pronto muchanan di Village y vecindario lo conta...

Parlamentario Alan Howell Pronto muchanan di Village y vecindario lo conta cu un cancha di basketball nobo

SHARE

 

Parlamentario Alan Howell a comenta cu durante reunionnan publico den Parlamento y den nomber di habitantenan di e bario di Village el a haci un peticion na Minister Dangui Oduber pa por renoba e cancha di Basketball.

Manera ta conoci, Alan ta un persona cu ta boga pa bienestar di henter Aruba y nos hendenan, pero cu un enfasis special pa pariba di brug. Cada oportunidad cu e tin, e ta acerca minister of persona of entidadnan corespondiente pa por logra avancenan pa esnan di San Nicolas y vecindario.

Asina el a haci e peticion na Minister di Deporte pa duna atencion na e cancha di basketball pa Village y awo el a tuma nota cu trabounan di renobacion a cuminsa. 

Alan Howell a indica cu esaki ta demostra cu e mandatario ta cumpliendo cu su palabra y a gradici’e  pa atencion cu e ta dunando na Village. “Ta di spera cu nos muchanan di Village y vecindario pronto lo haya un bunita cancha nobo nobo”.