Home Police Truck a bolter ariba Prof. LORENTZSTRAAT lagando chauffeur herida atras

Truck a bolter ariba Prof. LORENTZSTRAAT lagando chauffeur herida atras

SHARE

Emmastraat/ Prof. Lorentzstraat – Dialuna mainta den careda di 11’or informacion a drenta di un accidente serio ariba e crusada conoci Emmastraat cu Prof. Lorentzstraat.

Un impacto hopi duro, unda cu un truck di ATCO  a bolter y keda ariba su dak.

E impacto tawata ariba e crusada unda cu e Nissan Fuga a dal hopi duro contra e truck causando cu e ta bolter.

Na yegada a pidi pa Brandweer pensando cu lo tin hende pega den auto, pero esey no tawata e caso.

Ocupante di e truck cu lo ta e chauffeur a sali y tawata sinta pafo di e auto pero spanta y tambe cu posibel golpi ora e vehiculo a bolter.

Loke a sosode

Chauffeur di e Nissan Fuga tawata ariba e caminda di Emmastraat y yegando e crusada di Prof. Lorentzstraat e lo no a calcula kiko e ta bay haci y ta dal e parti patras di e truck di ATCO poniendo e bolter.

E manehador di e truck lo a trata na maniobra, pero ariba e caminda eynan mucho bo no por haci.

Mesora despues di e impacto chauffeur di e Nissan a baha y core bay cerca chauffeur di e truck pa chek si e ta ok.

Ambulance a yega y nan a bay unda chauffeur di e truck tawata sinta y despues di a haci’e algun pregunta a pone ariba brancard y hibe den Ambulance, unda nan lo sali cu ne direccion Hospitaal. 

Polisnan di trafico a presenta pa asina haci nan investigacion di loke a sosode.