Home Police Homber cu a maltrata dama na Gasparito deteni pa maltrato y ladronicia...

Homber cu a maltrata dama na Gasparito deteni pa maltrato y ladronicia den e bario

SHARE

Durante siman cu a pasa polis a bay altura di un restaurant conoci na Gasparito, unda un homber lo tawata maltratando un dama severamente. 

Mas cu claro hendenan eybanda a pidi pa polis yega lihe.

Na yegada na a ripara cu e homber lo ta bou influencia debi cu a haya holor di alcohol.

Esaki tawata suficiente motibo pa detene e homber y pidi transportwagen pa hibe warda.

Pero, e caso aki no keda te eynan debi cu un habitante lo a reconoce e homber aki cu segun nos a compronde no ta welcome den e bario door cu e la pasa horta diferente caminda.

Polisnan a scucha loke a wordo bisa y bisiñanan a indica polis unda e homber lo ta kedando.

Na e sitio polisnan a bin topa cu varios articulo horta y cu habitantenan a reconoce tambe.

Polis a pidi pa departamento tecnico cu a presenta pa conduci investigacion relaciona  cu vinger afdruk y tambe saca potret.

Segun e dama, e lo tin un relacion a pa mas o menos 1 aña cu e homber aki, pero na varios ocasion e lo a sufri maltrato na man di e homber.

Polisnan a mustre e caminda pa cana.

E dama tawata tin golpi na boca y cara.