Oranjestad – Aruba Bank ta orguyoso di a forma parti di e recital virtual di Rimshot Drums Aruba, cu tin como meta pa stimula hobennan pa desaroya talento di hobennan den musica.
Door di situacion actual di Covid-19, e recital cu anualmente ta wordo haci den estilo di un evento mester a wordo transforma den un recital virtual. E recital a consisti di diferente presentacionnan di studiantenan di e skol. Cada studiante a scoge e cantica cu nan tabata desea. Na final cada studiante a ricibi nan certificado di nan logro pa 2020.
Aruba Bank ta contento di por a yuda haci e recital virtual aki posibel y uno exitoso. Nos ta sostene actividadnan cu ta yuda haci nos comunidad uno miho y ta crea un impacto positivo.
Pabien Rimshot Drums Aruba cu boso recital virtual cu tabata uno exitoso.
