Cura Cabay: Diahuebs den oranan di merdia a sosode un accident, entre un brommer y dos auto. Esaki a sosode riba e caminda principal di San Nicolas pa Oranjestad, na Cura Cabay ,un poco pariba di Cura Cabay Supermarket. E motociclista a keda herida y mesora a pidi pa presencia di polis y ambulance.
Na yegada enberdad nan a bin topa cu e motociclista herida, tur cos ta indica cu e motociclista a fractura su pia.
Na e sitio nan a bin compronde cu e motociclista no a controla su velocidad na tempo y a bay dal tras di un Nissan March y despues di e impacto aki, a hala kita bay dal contra un Toyota Yaris cu tabata biniendo di direccion contrario.
E motociclista tabata keha di hopi dolor, e Paramediconan di ambulance a trata e motociclista na e sitio. Despues cu e paramediconan a stabiliza e motociclista, nan a transporte cu urgencia pa hospital.
