Tres persona herida den accidente di brommer cu auto na Savaneta

Savaneta – Diahuebs merdia algo prome cu 3’or polis a bay poco pabou di Zeerover na Savaneta unda un accidente entre brommer y auto a sosode. 

Na yegada di prome unidad policial nan a constata cu e Motociclista su pia y of heup ta kibra, mirando e posicion cu e tawata den.

Den e auto tambe dos persona a resulta herida.

E motociclista ta un Militar Hulandes, cu a dal cu su brommer contra un Hyundai Accent.

Por mira cu e impacto tawata contra e banda robes dilanti di e Hyundai, indicando cu probablemente e Accent lo a subi dilanti e brommer.

Dos ambulance a presenta hunto cu Marechaussee y departamento di trafico.

Na final ambulance a transporta e tres heridonan pa Hospitaal.