Na Lugano, Suiza, un pastoor di 80 aña a tene un muher di 48 aña scondi pa 12 aña den pastorie. Ta desconoci si e muher aki aki a logra sali pafo durante e periodo aki.
E muher ta procediente di Finland, pero e no tawata dispone di documentonan oficial.
E pastor Azzolino C. tawata tambe decano y tawata gewoon bai misa y atende e facultad na unda e tawata traha, locual ta duna e impresion cu e muher mester tawata prisionero, segun prensa Suizo. Un hecho notable ta, cu tawata tin dos pastoor mas bibando den e edificio.
Durante e ultimo simannan C. a cuminsa comporta su mes straño. Electricidad den e cas mester a wordo cambia, pero elektriciënnan tawata haya nan mes cada bes dilanti un porta cera. Despues cu tur e terminonan a pasa, e compania di electricidad a corta coriente den e cas pa motibo di seguridad, y a alterta autoridadnan.
E cas a wordo observa y diabierna ultimo polis a drenta e cas. Den e cas tawata tin un holor horribel y tawata hopi sushi. Memei di e caos polis a encontra e muher, cu tawata mustra descuida.
E muher a wordo hiba na un lugar sigur. C. a wordo interoga pa algun ora, pero dialuna el a wordo laga liber. E ta wordo sospecha di secuestro y maltrato.