Jaloersheid ta fuerte, pareha den problema aunke nan a separa

Tanki Flip – Diaranson anochi laat polis a wordo pidi na un adres situa na Tanki Flip, unda cu lo tin un caso di maltrato.

Mesora un patruya a dirigi su mes pa sitio.

Na e sitio agentenan a topa cu un pareha, nan lo ta den e proceso of ya a separa pero ta bibando den e cas hunto.

Despues di bastanta papiamento, polisnan a calma e situacion y no tawata tin mester di detene niun hende.

E problema a resulta cu aunke nan a separa ainda tin jaloersheid di parti e cabayero.

Agentenan por a deduci cu e problema a start momento cu e dama lo a conoce un otro homber.

Polis a papia cu ambos y splicanan e instancianan cu lo por yuda.