Oranjestad, november 2020. Dia 21 di november, comunidad di Aruba a uni pa “McDonald’s Great Day”, un dia special dedica na e donacion di tur benta di e famoso Big Mac na fundacion Centro Man na Obra.
Na final di e dia, a calcula cu un total di mas cu 1,000 Big Macs a wordo bendi pa yuda e organisacion ‘non-profit’ cu nan mision pa duna guia laboral na personanan cu deficiencia intelectual na Aruba.
McDonald’s Aruba, Centro Man na Obra, y tambe Great Day su embahador, Rocco Franken, kier a gradici pueblo di Aruba cu a sostene e campaña di “Great Day” y hasi’e un realidad.
Full e team di McDonald’s Aruba ta orguyoso di por yuda e comunidad local pa medio di sostene iniciativanan cu ta crea miho oportunidadnan na nos ‘Rubianonan y nan futuro.
Abo cu a aporta a haci bo contribucion directamente pa yuda bo prohimo, cu apesar di su limitacion toch por bira un adulto exitoso y independiente. Danki na bo ayudo, Centro Man na Obra por continua cu su guia pa asina e personanan concerni por sigui adapta nan abilidadnan, sigui bira mas independiente, sinti nan mes mas util, y por hasta yega asina leu di haya un trabao den diferente industria. Masha danki pa bo contribucion riba e dia special aki, nos ta conta un bes mas cu bo apoyo otro aña pa McDonald’s Great Day 2021.
Tocante Arcos Dorados
Arcos Dorados ta e cadena di restaurant cu ta brinda servicio lihe (“QSR”) den Latino America y Caribe. E tin derecho exclusivo pa opera frakisianan di McDonald’s den 20 diferente pais den Latino America y den Caribe, entre otro Argentina, Aruba, Brazil, Chile, Colombia, Costa Rica, Curaçao, Ecuador, French Guiana, Guadeloupe, Martinique, Mexico, Panama, Peru, Puerto Rico, St. Croix, St. Thomas, Trinidad and Tobago, Uruguay y Venezuela. E compania ta opera of tin frankisia di mas cu 2,100 restaurant di McDonald’s y ta emplea mas cu 90,000 persona y ta conoci pa ta un di e companianan mas miho pa ta emplea na dje den Latino America. Arcos Dorados ta riba New York Stock Exchange (NYSE: ARCO). Pa mas informacion tocante Arcos Dorados, por fabor bishita e seccion di “Investors” riba nos website: www.arcosdorados.com/ir