ORANJESTAD, Aruba – Aruba Bank a forma parti di e bunita proyecto Hunto Grandi, Grandi Hunto, cu ta brinda 60+nan e oportunidad pa ta activo di un manera físico y social cu otro.
Aruba Bank a gradici e oportunidad pa educa e grupo di 60+nan ariba diferente tema importante cu tin di haber cu servicionan bancario y e solucionnan cu innovacion ta ofrece awendia pa tur cliente di banco.
Aruba Bank ta ofrece acceso na solucionnan bancario segun e necesidad di tur cliente, na unda y na e momento cu nan ta desea. Automaticamente esaki ta inclui un gran mayoría di nos populacion di personanan mayor di sesenta (60) aña.
E charla a enfoca ariba kico tur ta encera online banking, y con e grupo di e 60+nan por haci uzo di dje na e branchnan rond di Aruba caminda tin asistencia special pa esaki den e Digital Lounges di banco.
A splica tur esnan presente tambe ariba posibilidad cu banco tin di ofrece den e maneho di tecnología digital.
E sesion informativo tawata uno hopi interactivo entre expertonan y e publico. Esaki ta locual Aruba Bank ta enfoca riba dje pa asina trece informacion via e canal di preferencia di e consumidor pa provee e solucion adecuado pa su necesidad.
