Home Entertainment The Undertaker (WWE): ‘E curpa humano no ta traha pa haci locual...

The Undertaker (WWE): ‘E curpa humano no ta traha pa haci locual nos ta haci cune.’

SHARE

Despues di 34 aña – y un monton di lesionnan cu ta varia di grave te na cosmetico – e luchador di 2.08 meter di estatura ayera finalmente a retira for di lucha libre. Pero, e lo bolbe resusita?
No tin un solo dia cu algo no ta haci dolor. “Mi tin metal den mi heupnan, mi lo cana manca pa semper; mi cabes no por draai ful normal mas manera antes.” Un diagnostico medico no ta necesario. Desde cu ela drenta e arena di lucha libre 34 aña pasa, e curpa di e homber aki di 55 aña a wanta un cantidad increibel di abuso. Mark Calaway – conoci como ‘the Undertaker’ – a pasa su carera ta choca y golpia su contrincantenan. Desde su debut den WWE (antes WWF) na november 1990, ela bira e luchador cu a wanta mas largo den e mundo di lucha libre.
E prijs cu ela paga pa keda den e arena asina largo, ta hopi halto. “E ta hopi trabou, fisicamente,” e ta bisa. “E curpa humano no ta traha pa haci locual nos ta haci tur anochi. E mester a somete su mes na 17 operacion pa diferente lesionnan. Un dia su rudianan lo mester wordo remplasa. “Mi no ta bisa esaki pa gana simpatia,” el a agrega. “Ami a escohe mi caminda y mi no lo a cambie, ni sikiera pa motibo di tur e metal cu mi tin den mi curpa awendia.”
“Tin biaha ta dificil,” e ta bisa. “Tin un bashi cu ta keda atras. Pero esaki na su turno ta wordo yena cu e tempo extra cu mi tin pa mi casa y mi yiu muher. Mi por bai wak e na competencia di tennis, coremento di cabai, y mi por tey na pa e cumpleaños y aniversarionan. Mi a sacrifica tur cos pa mi por tin e bida ey, y awor mi no ta hacie mas.”
Pa Calaway, e despedida tawata evidentemente emocional. “E ora a yega pa laga the Undertaker descansa na paz,” el a bisa solemnemente. Despues ela keda para cu su cabes baha, den silencio, mientras e sonidonan di e publico tawata resona. Despues di su ultimo salida for di e cancha, el a hisa su mokete triunfantemente den aire y a desaparece.
“Mi ta kere cu loual mi lo falta mas hopi ta e sentimiento cu mi tawata haya ora mi tawata drenta y ora mi tawata sali,” Calaway a bisa. “No obstante con mi tawata sinti fisicamente, ora e lusnan tawata paga y e musica tawata subi, mi fansnan tawata kita tur mi dolornan. Bo ta sinti nan aprecio, esaki ta dunabo e…e ta manera un druga, realmente den e sentido ey e ta gañabo. Tur e lesionnan ainda tey, pero mi no por contabo cuanto biaha, canando bai den e cancha, mi a pensa cu mi lo por haci esaki pa semper.”
No tin duda, cu e despedida di ayera nochi tin tur e elementonan di un salida permanente. Un monton di mensahe for di estreyanan grandi den e mundo di lucha libre y pafo, pero ainda ta insigur si cualkier hende, incluyendo Calaway mes, ta sigur cu esaki tawata e ultimo biaha, mirando su historia di resureccion.