Home International Investigacion: Vegans tin mas risico pa fractura di nan wesonan

Investigacion: Vegans tin mas risico pa fractura di nan wesonan

SHARE

Tur bentaha tin su desbentaha. Esaki ta conta tambe pa un ‘vegan diet’. Investigacion a mustra, cu esnan cu ta sigui un ‘vegan diet’ ta core mas risico di haya ruptura di weso cu comedornan di carni. Esaki a resulta for di un articulo cu a wordo publica dialuna den e revista medico BMC.
Compara cu esnan cu ta come carni, vegans tin 43 porciento mas chance ariba fractura den heupnan, pianan y columna. Esaki ta wordo ocasiona door di falta di kalki y proteina den nan dieta.
„Esaki ta e prome estudio cu a bai observa di cerca e risico pa diferente tipo di ruptura di wesonan den helter e culpa, relata na e manera di come di e persona”, asina e autor maximo y epidemiologo nutricional Tammy Tong di Oxford Universiteit a duna di conoce na CNN. E investigadornan ta conclui cu di cada 1000 hende un averahe di 4,1 vegetariano tin ruptura di weso y 19,4 caso cerca vegans dentro di un periodo di 10 aña.
Casi 55.000 hende gezond den Reino Unido a participa na un encuesta tocante nutricion, condicionnan sociaal-demografico, estilo di bida y nan historia medico entre 1993 y 2001. E investigadornan a reparti e participantenan a base di tipo di dieta, esta: comedornan di carni, comedornan di pisca, vegetarianonan (no ta come carni ni pisca pero si ta come webo y productonan a base di lechi) y vegans (ningun producto cu ta bin di animal).
Proteina y kalki
En total, den 2016 persona a wordo constata 3.941 ruptura di weso. Den comparacion cu esnan cu ta come carni, vegans tin mas o menos 43 porciento mas grandi di chance ariba ruptura den nan heupnan, pianan y columna. Vegetarianonan y esnan cu ta come pisca so tin un risico ariba ruptura di weso den nan heupnan. ,,Proteina y kalki ta e 2 pilarnan di mas importante di un weso.’’, segun Lauri Wright, hefe di e departamento di nutricion y dieta na Universidad di Florida.
Por wordo remarca, cu e investigacion aki no ta completamente representativo. Principalmente pasobra mayoria di e participantenan tawata muhernan Europeo blanco. “E resultadonan aki no por wordo generalisa pa otro populacionnan. Mas investigacion ta necesario.’’ segun Katherine Tucker, profesora di epidemiologia nutricional na Universidad di Massachusetts.
BMI
BMI (Body Mass Index) tambe lo por ta hungando un rol den e storia aki. Vegans y vegetarianonan tin un BMI mas abou, manera tawata e caso tambe den e estudio aki. Un BMI mas abou tambe por wordo relata den cierto casonan na ruptura di wesonan. “Pensa asina: Nan tin menos proteccion den caso di un caida”.