Home Police Despues di a haci problema, polis a detene turista cu tawata bou...

Despues di a haci problema, polis a detene turista cu tawata bou influencia di un of otro substancia

SHARE

L.G.Smith Boulevard  – Diabierna anochi fen careda di 11’or asistencia di polis a wordo pidi dilanti e ex edificio di Douane. Eynan lo a presenta un problema entre un cabayero y un grupo di turista, entrenan un cabayero local.

Na yegada di polis nan a acerca un cabayero Hulandes cu a dunanan su version, y parti pabou di e edificio tawata para e otro partido.

E cabayero Hulandes na e auto color blanco a splica e agentenan kiko a sosode y tambe a bisanan cu un cabayero local hunto cu e turistanan a bise cu e ta polis y te hasta lo a saca un Badge/Carnet insinuando esey.

Polisnan a confronta e cabayero local aki cu loke e otro partido a bisa, e la nenga y a bisa cu e ta un ex duanero.

Dado momento un agente a mira un cabayero turista benta un saco di plastic chikito.

Mesora e agente a bay atende cu e homber, cu a cuminsa move bay di e agente.

Ora a logra gare e kier a resisti, pero mesora agentenan a bay over na detene debi cu tawata obvio cu e tawata bou influencia.

A pidi transportwagen pa hiba e homber turista warda, unda cu e posiblemente e lo pasa su anochi den un cel.

Mientrastanto e cabayero Hulandes su auto tambe a wordo rista y no a haya nada loke e otro partido tawata insinua, esta cu e la bendenan droga. Despues e por a sigui su caminda.