Home » 25 Caso nobo sigur tin tur e atencion di nos Crisis Team

25 Caso nobo sigur tin tur e atencion di nos Crisis Team

by Admin
0 comment 60 views

ORANJESTAD, 21 november 2020. Aruba ta regista awe un aumento fuerte den casonan positivo compara cu e ultimo simannan tras di lomba.

Den e dianan cu ta sigui crisis team lo ta siguiendo e desaroyo di e casonan di serca. No por saca ningun conclucion ainda abase di e resultado di un solo dia. Tampoco tin e nesesidad pa lanta precupacion den comunidad na e momento aki.

Un punto hopi importante den maneho di e virus di Covid-19 ta pa test pa tur persona cu tin sintoma.

Segun resumen di awe 8 persona a recupera di Covid-19, a keda registra un total di 25 caso nobo di Covid-19, di cual 4 ta no-residente, (“positivity rate” awe ta 29%).

Casonan activo pa awe ta na 91, total di testnan haci na airport y hospital hunto ta 302, testnan haci na laboratorio di hospital so ta 73, total di casonan di fayecimento relaciona cu Covid-19 ta na 45.

Averahe di casonan pa dia abase semanal ta 9 caso y averahe di “positivity rate” pa dia abase semanal ta 12%

Ta hopi importante si pa comunidad ta alerto y sigui cuida y cumpli cu tur regla di proteccion y pa evita plamamento di e virus.

Si bo tin sintoma, yama bo dokter di cas pa por haci un test y ta sigur si bo persona por tin covid-19 pa evita di sigui plama e virus.

Ban sigui mantene distancia, sigui aplica higiena, sigui uza tapa boca, sigui test pa covid sibo tin sintoma, sigui mantene isolacion of cuarentena ora bo wordo indica, sigui cumpli y sigui cuida.

Aruba ta conta cu bo!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio