Home » Taskforce di Reino encarga cu Derecho di Mucha ta organisa su di 5 conferencia riba Derecho di Mucha

Taskforce di Reino encarga cu Derecho di Mucha ta organisa su di 5 conferencia riba Derecho di Mucha

by Admin
0 comment 43 views

 

 

 

Oranjestad – Profesionalnan riba derecho di mucha di e entidadnan den Reino Hulandes ta bolbe topa otro siman. Durante e conferencia di hubileo aki, ta para keto na e logronan di ultimo 5 aña. Alabes lo wak dilanti, pa mira con e Taskforce por crea e cuadronan necesario den futuro cercano, pa brinda tur mucha y hoben den Reino e oportunidad pa por crece saludabel, safe y cu amplio posibilidad pa desaroya nan mes.

 

Den e temponan nunca bisto aki di COVID-19, toch e conferencia anual ta sigui. E biaha aki e Taskforce di Reino encarga cu Derecho di Mucha a dicidi pa laga e di 5 conferencia tuma luga di forma digital. Ta importante pa permiti profesionalnan riba tereno di derecho di mucha mantene nan mes na altura di desaroyonan nobo y tambe facilita cu tur e islanan por traha riba nan plannan pa futuro.

Durante e edicion aki di e conferencia anual, cu lo tuma luga diamars 24 y diaranson 25 di november di 8:30 AM pa 12:30 PM, lo trata dos tema clave: monitoreo & evaluacion y e impacto social di COVID-19 riba mucha. Lo trata e temanan aki durante un transmision digital interactivo. Durante e dos dianan aki profesionalnan riba diferente area di trabou lo comparti nan experiencianan y tambe resultado di investigacion haci, relaciona cu e dos temanan menciona.

 

E Taskforce di Reino ta fiha su mes riba futuro, cu enfoke riba, entre otro, colaboracion y intercambio di conocemento den Reino, riba tereno di derecho di mucha. Den cuadro di esaki ta trahando duro riba un plataforma digital di conocemento, cu ta representa e siguiente paso firme riba caminda pa mas profesionalismo riba tereno di educacion positivo y combatimento di violencia den educacion, entre otro puntonan di enfoke.

 

Por participa na e conferencia aki registrando na: https://www.ourchildrenourfuture.nl/

 

Pa mas informacion, por fabor tuma contacto cu sra. Sacha Geerman na telefon 593-7078.

 

Anekso: potret 1 y 2

 

Potret 1: conferencia di Taskforce 2019 na St. Maarten i Saba Potret 2: firmamento di letter of intent

Conferencia di Taskforce 2018 na Curaçao

 

D.r.p.d: diputado Edsel Cecilia (Bonaire), 

gezaghebber Jonathan Johnson (Saba), premier 

Eugene Rhuggenaath (Curaçao), minister Jorien 

Wuite (St. Maarten), minister Hensley Koeiman 

(Curaçao), minister Glenbert Croes (Aruba), sra. 

Carol Jack (St. Eustatius), sr. Job Tanis 

(Ministerio di Salud, Bienestar i Deporte – 

Hulanda)

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio