Mi ta stima mi casa, pero su limitacionnan sexual ta afectando nos matrimonio

Mi a purba mustre locual mi kier riba cama, pero esaki no a yuda y awor a proposito mi ta evitando di hasi sex cune. Despues di 12 aña di un partnership fantastico den tur otro aspecto, ami no sa kiko mas pa haci.
Mi casa no tawata sexualmente experiencia ora nos a conoce otro. E no tawata virgen pero tampoco e tawata tin un relacion di largo duracion pa siña e arte di intimidad. E tawata insigur tocante esaki y mi a bise cu nos lo tin e resto di nos bida pa explora. Mi a purba mustre locual mi gusta uzando buki, pelicula, articulonan y sextoys. Mi no ta pidi hopi, pero ta parce cu e momento cu e drenta den accion, e ta lubida tur locual nos a combersa. Esaki ta frustrante, y mi ta haci mi best pa finalisa e acto mas lihe cu mi por.
E ta bin y e ta bira bai drumi lagami disgusta y insatisfecho. Awor mi ta sinti cu activamente mi ta evitando sex cu mi pareha. Mi tin deseo sexual y mi ta masturba 2 pa 3 biaha pa siman pa satisface mi mes. Mi ta desea cu mi no lo mester a haci esaki. Mi ta sinti culpabel cu ami ta e unico persona cu tin e derecho di ta intimo cune, pero mi no ta cumpliendo cu mi deber como casa y como pareha intimo. Mi ta stima mi casa cu tur mi curason. Tur otro aspecto di nos bida ta maraviyoso. Su orguyo ta pone cu e ta nenga di bai tuma terapia. Asta pa papia di esaki ta un insulto pe. Pero, despues di 12 aña, ami no sa kiko mas pa paci. Bo tin un conseho pami?
No hala atras. Reconecta cune. E situacion no lo mehora si bo no haci esfuerso pa pushe pa satisface bo. No tin nada robes cu tuma control. Esaki por ta e miho manera pa eduke. Bukinan y pelicula por duna ideanan general, pero no ta facil pa pone esakinan den practica, pues mayoria parehanan mester di instruccionnan specifico. Tur muher ta unico den su deseonan sexual, y abo merece pa bo necesidadnan wordo satisface. Pero pa logra esaki bo mester duna instruccionnan explicito y detaya, y build esaki up den fase. Pues, tene pasenshi, hacie un wega divertido y erotico, y recompense ora e haci algo correcto.