Tragedia na Brazil: Baranca ta cai y mata pareha y nan baby

NATAL – Un pareha Brazilero a muri na un manera impactante diamars. Nan a wordo sorprendi pa un derumbe ora nan tawata disfrutando nan dia na costa di Rio Grande na Brazil. Nan baby a wordo haya den brasa di e mama y ainda tawata halando rosea, pero despues e tambe a fayece.
E pareha casa tawata conoci como biahero y nan tawata riba beach na Rio Grande ora cu e accidente a sosode. Un parti di e baranca a basha abou y tapa e victimanan bou di un cantidad di piedra y santo.
Hugo en Stella Souza a muri mesora. Nan baby, Sol, di 7 luna, a wordo haya den brasa di su mama, kende lo a purba di protehe. Un dokter a purba scapa e baby pero e ayudo aki a yega mucho laat. Asta e cacho di e famia a fayece, segun The Daily Mail.
E barancanan na e costa aki ta conoci como peligroso. Tin diferente borchi cu ta adverti pa posibel derumbe. Net prome cu e drama a sosode, e famia a wordo adverti pa no bai sinta bou di e baranca. Brandweer ta haciendo investigacion pa determina e causa.