Home International Mucha muhe(13) forsa pa casa cu homber Filipino di 48 aña

Mucha muhe(13) forsa pa casa cu homber Filipino di 48 aña

SHARE

MAMASAPANO – Un mucha muher di apenas 13 aña a casa na Filipinas cu un homber di 48 aña. E mucha muher ta e homber su di 5 casa. „Mi ta contento cu mi a tope y cu e lo por cuida pa mi yiunan” el a bisa despues di e casamento tradicional islamico, rondona pa famia y amigonan.
E homber ta bin di e provincia Mindanao, na unda hopi musulman ta biba. E tin yiunan di mesun edad cu su casa. Segun por a compronde e mucha muher no tin miedo, pasobra “e ta cariñoso cumi”. „Mi ta siñando ainda pa cushina, pasobra mi no ta bon den esey. Mi kier haci mi casa felis.”
E homber a traha un cas apart pa su casa. El a priminti cu nan no lo haya yiu te ora e casa tin 20 aña. „Mi lo paga su scol pasobra mi kier pa e sigui studia te ora e ta cla pa haya yiu.”
Segun Unicef, Filipinas ta den e top 20 di paisnan cu ta permiti matrimonio infantil. 15 porciento di e mucha muhernan di e pais ey ta casa prome cu nan cumpli 18 aña. 2 porciento asta bou di 15 aña.