Home International Dokternan ta roga Donald Trump pa duna informacion na Biden

Dokternan ta roga Donald Trump pa duna informacion na Biden

SHARE

WASHINGTON – Dokternan y hospitalnan Mericano ta haci un yamada na presidente Trump pa comparti informacion tocante e reglanan vigente pa cu coronavirus cu e team di su sucesor, Biden.
Trump no ta reconoce Biden y ta nenga di dune acceso na informacion di instancianan di gobierno, manera normalmente sa pasa durante traspaso di mando. Si sigui pospone, esaki por costa bida, e directornan di hospitalnan, e mediconan y enfermeronan a bisa Trump.
Informacion tocante e accesibilidad di remedinan terapeutico, material pa test, medidanan di proteccion, aparatonan di oxigeno, capacidad di hospitalnan y disponibilidad di personal mester wordo comparti pa scapa un cantidad innumerabel di bida, nan ta bisa. Tambe informacion tocante vacuna y tratamentonan pa Covid-19 mester wordo comparti pa e cuido di pacientenan por continua na e mihor manera posibel, segun e carta na Trump.
Dialuna Biden a bisa cu e trancamento di Trump por costa bida. „Mas hende por muri si nos no coordina”, segun e presidente electo.
Na Estados Unidor diariamente recordnan ta wordo kibra, mientras cu e pais mundialmente tin e mayor cantidad di morto door di Covid-19.