Home Intimacy Mi guy ta asina keto ariba cama cu mi ta preocupa cu...

Mi guy ta asina keto ariba cama cu mi ta preocupa cu mi no ta satisface

SHARE

E ta bisa cu e tawata falta siguridad den su mes den relacionnan anterior y cu varios bes el a wordo rechasa, pero su silencio tin mi preocupa. Con mi por haci pa e sinti mas sigur di su mes?
Nos ta hunto pa 10 luna. Nunca mi tawata asina felis. Pero mi ta sinti un poco inconfortabel cune, compara cu mi relacion anterior. Nunca e ta hasi sonido durante sex. Mi a yega di puntre kiko e ta gusta, y semper el a evita e contesta. Esaki ta ponemi sinti cu mi no ta bon suficiente pe. Ta difici pa mi por satisface, sin sa kiko e gusta.
El a bisami si, cu e no tawata sinti sigur ora di haci sex den su relacion anterior y cu varios bes el a wordo rechasa, pues mi ta kere esey tin algo di haber, pero: Ta normal cu hombernan no ta keha of papia durante sex y foreplay? Ora nos combersa tocante sex, semper mi ta bise cu mi kier pa e sinti relaha y sigur cumi. Mi sa cu esaki ta mas facil pa bisa cu pa haci, pero mi echt kier yude sinti cu e por ta su mes y disfruta di sex.
Contesta:
Un persona su desaroyo sexual, incluyendo e descubrimento di e funcion sexual di su curpa, ta cuminsa durante infancia. Den nos sociedad, un mucha ta siña hopi lihe cu masturbacion ta algo secreto. Si, por ehempel, bo guy a comparti camber cu otro hendenan e lo mester a zorg pa e ta mas keto posibel y kizas door di esaki e lo por a forma un sistema di suprimi cualkier expresion vocal di placer. Nos style y rutina sexual anterior ta sigui nos den edad adulto y no ta facil pa cambie. E miho cos cu bo por hasi, ta accepte manera e ta. Si na cierto momento e bira mas vocal, bise cu esaki ta algo cu bo gusta, pero reconoce, cu su custumber di ta keto durante sex, ta consistente cu locual el a siña y cu esaki no automaticamente kiermen cu e no ta satisfecho.