Semeleerstraat – Dialuna algun minuut despues di e atraco arina He’s Supermarket na Monserat, polisnan a bay den e casnan di pueblo di Noord. Esaki tawata door cu e atracadonan lo a bay e direccion ey.
Un patruya pasando den Semeleerstraat a topa cu un cabayero canando cu un machete, mesora esaki a hala atencion di e polisnan.
E agentenan a baha y a bay ariba e homber y a detene. Mester remarca cu e homber aki no tawata tin nada di haber cu e atraco. Na e sitio por a scucha cu e lo tin problema cu un conoci di polis cu ta biba den casnan di pueblo, y posiblemente lo tawata caminda pa bay regla cuenta.
Polisnan a detene y a pidi transportwagen cu a presenta despues di algun minuut pa hibe warda, unda e lo mester splica e motibo cu e tawata cana cu e machete ariba caya.
