Home » DCNA: Involucrando hubentud creativamente den enseñansa di naturalesa pa medio di e prome Dutch Caribbean Big Live Nature Quiz (Quiz Caribense Hulandes Grandi y Bibo di Naturalesa)

DCNA: Involucrando hubentud creativamente den enseñansa di naturalesa pa medio di e prome Dutch Caribbean Big Live Nature Quiz (Quiz Caribense Hulandes Grandi y Bibo di Naturalesa)

by Admin
0 comment 62 views

Dutch Caribbean Nature Alliance (DCNA), un red regional di area protegi lanta pa yuda e Organisacion di Maneho di e Areanan Protegi di e seis islanan, ta anuncia e prome Big Live Nature Quiz dia 25 di november di 4:00-5:30 di atardi pa tur mucha entre 11 pa 14 aña di edad. E ta online, gratis, dibertido, y tur esaki tocante nos naturalesa Caribe Hulandes. Den aña 2020, nos expectativa di educacion di naturalesa a cambia drasticamente, como cu e strategianan di instruccion a cambia pa uzo di medio digitalisa. E quiz lo lansa un forma nobo di involucra e hobennan di nos islanan pa medio di tecnologia y lo trece conscientisacion di conservacion di nos areanan protegi.

Pa sostene educacion di naturalesa den e Organisacion di Maneho di e Areanan Protegi di Caribe Hulandes, tabatin desaroyo na diferente forma pa sostene esnan ku ta traha den educacion di naturalesa, manera conecta e funcionarionan di educacion di naturalesa riba plataforma y comparti conocemento. Otro forma di sosten ta desaroyo di material educativo interactivo y dibertido di naturalesa pa comparti cu e Junior Rangernan y otro hoben cu ta pensa mescos riba e islanan.

E Evento anual di Intercambio di Junior Ranger, reuniendo hoben di e seis islanan di Caribe Hulandes na un isla pa siña tocante naturalesa di otro, desafortunadamente a keda cancela e aña aki, pa motibo di e corona crisis. Sinembargo, pa combati e circunstancianan di e aña aki cu positivismo, a crea e Big Live Nature Quiz pa mehora e sosten tanto na e funcionarionan di educacion di naturalesa como na e hubentud, mientras cu nan por keda safe na nan respectiva islanan.

“Nos ta hopi emociona pa lansa nos prome Big Live Nature Quiz y pa continua nos mision pa sostene e organisacionnan di maneho pa e areanan protegi di Caribe Hulandes door di educacion di naturalesa. E evento aki por ta un game changer pa educacion di naturalesa riba un Plataforma mas amplio y por ta extremadamente dibertido pa e participantenan!”, Dahlia Hassell, Oficial di e proyectonan di DCNA ta bisa.
E quiz interactivo bibo lo ta parti den diferente topico manera Flora y Fauna, Ecosystem, Adaptacion di Clima y Sostenibilidad y pregunta tocante e parkenan Nacional di Caribe Hulandes, maneha pa STINAPA Bonaire, CARMABI na Corsou, Fundacion Parke Nacional Aruba, Fundacion Saba Conservation, STENAPA na Sint Eustatius y Nature Foundation Sint Maarten.
E participantenan tin e posibilidad di gana un trip di snorkel of sailing rond di e isla cu un grupo di 4 amigo. Nos ta encurasha mayornan y voogdnan pa comparti e informacion aki cu nan yiunan pa asina nan por tin e oportunidad pa interactua cu otro participante di Caribe Hulandes, siña di naturalesa y pasa un bon rato cu amigonan.

“Participa ya ta siña caba! No tin mester di prepara of studia pa e quiz bibo interactivo aki. Sinembargo, si bo ta desea di tin mas posibilidad pa gana, por haya mas informacion di e topiconan aki bishitando f.e. https://www.DCNA nature.org y e websitenan di maneho di parke di Caribe Hulandes. E quiz bibo aki ta un gran oportunidad pa siña mas di e naturalesa no solamente na bo mes isla, pero tambe tocante e otro islanan Caribense si Reino Hulandes….Y e ta super dibertido!” Tineke van Bussel, DCNA’s Research Communication Liaison, ta sigui splica.

E Big Live Nature Quiz ta tuma luga diaranson 25 di November di 4.00-5.30 or di atardi. Muchanan cu ta biba na Aruba, Boneiro, Corsou, Saba, Sint Eustatius y St Maarten, cu tin entre 11 pa 14 aña di edad ta bonbini pa join. E quiz lo ta na Ingles, cu subtitulo Hulandes y Papiamento. Bo por join bo so of bo por forma un team di maximalmente 4 mucha. Tur loke mester pa participa e ta conexion cu Internet, computer, telefon y por supuesto, bon humor!

Pa haya mas informacion tocante con pa participa na e evento, wak e pagina di Facebook di DCNA of bishita www.DCNAnature.org. Log in riba dia di e quiz riba bo computer of tablet gratuitamente na https://zoom.us/j/98965093325 . Si tin cualkier pregunta, por manda un coreo electronico na [email protected] of [email protected] of yama nos na e +599-717-5010.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio