Home » Hulanda: Coriendo scooter riba trottoir, a costa dama un castigo di 3 aña den prison na Italia

Hulanda: Coriendo scooter riba trottoir, a costa dama un castigo di 3 aña den prison na Italia

by Admin
0 comment 77 views

Dama cu tabata wordo busca pa sinta un castigo di prison pendiente, a wordo haya despues di tabata coriendo riba un scooter na Rotterdam.

Rotterdam, Hulanda: Diasabra un dama a dicidi di core un pida cu su scooter riba trottoir, net na e momento ey un patruya di polis tabata pasando, esaki a sosode den e bario di Feijenoord.

Mesora e agentenan policial a para e dama y a pidi’e pa su documentonan, e dama no tabata tin rijbewijs y tampoco tabata tin niun identificacion den su poder.

Despues di un control mas extenso, polisnan a bin haya sa cu e dama tabata wordo busca pa husticia den exterior, pa motibo cu e tabata tin pendiente un castigo di prison cu mester a sinta na Italia.

Autoridad Italiano tabata buscando e dama aki relaciona cu su sentencia den un caso di droga den cual e la wordo sentencia cu un castigo di prison di 3 aña.

E dama a keda deteni y encarcela, wardando pa e wordo entrega den man di husticia na Italia, pero por lo pronto e lo keda cera den un cel na Hulanda.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio