Con COVID-19 a influencia bida sexual di parehanan?

Con e bida sexual y relacionnan a cambia como resultado di e pandemia di COVID-19?
Algun investigador na The Kinsey Institute bou guia di Dr. Justin Lehmiller a haci un estudio pa haya sa esaki. Mas di 2,000 adulto a wordo encuesta tocante con nan bida intimo a cambia como consecuencia di e pandemia y su restriccionnan social.
Locual a sali na cla ta entre otro:
Menos sex: E frecuencia di masturbacion y sex a baha compara cu prome cu e pandemia, pues e ‘baby boom’ cu a wordo pronostica den media, kizas no lo bin.
Mas diversidad: Mientras e frecuencia a baha, di otro banda, experimentacion a subi. 1 den 5 participante a bisa di a agrega algo nobo na su bida sexual durante e pandemia, manera entre otro, actua un fantasia, agrega un sex toy of purba BDSM.
Mas fantasia: Den averahe, encuestadonan a bisa di a fantasea mas hopi cu antes. Hopi a mira cambio den e contenido di nan fantasianan, y a menciona cu fantasianan di pasion y romance a aumenta.
Menos porno: Caida den e uzo di pornografia ta consistente cu e caida den masturbacion. Sin embargo, 1 den 10 participante a menciona di a mira un categoria di porno durante e pandemia.
Online dating: Hopi di e encuestadonan a bisa di a purba online dating pa prome biaha. Esnan experiencia den esaki a menciona cu e calidad di e interaccion a cambia pa conversacionnan mas profundo.
Topa cu ex: 1 den 5 participante a menciona di a busca contacto cu un ex durante e pandemia. Mayoria tawata cu e intencion di sa cu nan ta o.k., pero algun tambe a busca pa topa of bai bek cu su ex.
Relacion a empeora: Mientras cu algun di e participantenan a bisa cu nan relacion a mehora durante e pandemia, mayoria a raporta mas conflicto y cambio negativo pa locual ta trata nan bida romantico.