Camacuri – Diaranson anochi laat den careda di 11’or Central di Polis a haya varios informacion cu lo tin un accidente serio ariba e caminda di Camacuri.
Informacion adicional a papia cu lo tin hende benta ariba caminda. A resulta cu un Suzuki Baleno a perde control bolter y parti den dos pida, pues velocidad halto hopi probabel a hunga un rol grandi.
E auto a bay cay den e mondi parti panort di caminda.
Durante cu esaki a sosode tawata tin bastante trafico ariba caminda, autonan pasando cerca di unda e chauffeur a bay cay. Pa e motibo ey mester a cera e caminda di Camacuri mesora tanto for di pariba y pabou.
Ambulance na yegada Paramediconan a sigui e protocol, pero tawata bisto cu no por a haci nada mas debi cu e chauffeur a fayece al instante di trauma pisa na cabes.
Pa 11:50 Dr Texier a constata morto di e chauffeur cu na e momento eynan su identidad no ta conoci.
Demas instancianan manera BFTO y Slachtofferhulp tambe a presenta na e sitio.
Pa mas o menos 12:50 Aurora Funeral Home a presenta y a bay cu e curpa cu a wordo tuma den beslag pa mas investigacion.
Cu esaki Aruba ta conoce su di 5 morto den trafico pa aña 2020.
