Home » Corte Superior a subi e castigo drastico: Complice di intento di asesinato condena na 12 aña di prison

Corte Superior a subi e castigo drastico: Complice di intento di asesinato condena na 12 aña di prison

by Admin
0 comment 108 views

 

ORANJESTAD – Hof di Corte Superior recien a dicta sentencia den e apelacion cu e acusado C.M. a haci contra su sentencia di 8 aña di prison. Aruba Native por a compronde cu Hof a destrui e sentencia di Corte den Promer Instancia y a subi e castigo di 8 pa 12 aña di prison pa C.M.

E acusado C.M. a apela contra e sentencia di 13 September 2019, caminda el a wordo condena na 8 aña di prison pa ta complice di a tira riba R.C., caminda R.C. a sufri dos herida di bala y mester a wordo hospitaliza.

Hof ta mustra cu for di e investigacion di Recherche ta mustra cu dia 21 September 2018, C.M. hunto cu L.F.M. a bay riba un scooter na un cas na Shiribana, caminda e victima R.C. tabata sinta den veranda serca un amigo. L.F.M. a bisa C.M. pa dun’e e arma. E victima a declara na Recherche cu el a mira C.M. saca un arma for di banda di su heup dilanti y pasa L.F.M. E victima a sali core y a scucha tironan. Un di e tironan a herid’e na su man robez. El a sigui core y despues a scucha orto tiro cu a herid’e na su lomba. E ora ey el a cay y bolbe lanta y sigui core.

R.C. mester a wordo hospitaliza di inmediato, caminda a constata cu e tiro den lomba a perfora higra y bariga. Mester a saca e bala cu a keda pega den curpa di R.C.

Hof a destrui e sentencia di Corte den Promer Instancia pasobra Hof ta yega na un otro decision. Hof, contrario na Corte den Promer Instancia, ta haya C.M. culpable di complice premedita intento di asesinato. Tambe Hof ta haya C.M. culpable di posecion di un arma di candela y posecion di droga.

Hof a condena C.M. na 12 aña di prison, kitando e tempo cu e ta sera den KIA.

Tambe Hof a ordena pa C.M. paga 5 mil florin di daño na e victima R.C. Hof a pone e medida di pago cu ta encera cu si C.M. no paga e 5 mil florin di daño, e lo mester bay 100 dia sera.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio