Home » Intimacy: Ami cu mi guy ta haci sex solamente 1 biaha pa luna y e ta clinico, rutinario y friu

Intimacy: Ami cu mi guy ta haci sex solamente 1 biaha pa luna y e ta clinico, rutinario y friu

by Admin
0 comment 109 views

Nos tawata tin un sex life cu hopi pasion tempo nos a conoce otro, pero desde cu nos a bai biba hunto, cosnan a cambia hopi y e situacion ta lagami sinti rechasa.
Recientemente ami cu mi guy a haci 5 aña hunto. Mi ta un muher di 30 aña y e ta 10 aña mas bieu cumi. Nos a cuminsa cu un relacion ariba distancia pero tawata tin un sex life hopi pasional. Sin embargo, desde cu nos a bai biba hunto, nos ta haci sex solamente un biaha pa luna, tin biaha ni esey. Ora nos haci sex semper ta den e mesun posicion, y e ta basta clinico; e mester ta e mesun momento tur siman, y si no logra, nos no ta hasi sex.
Nunca mi a logra haya un orgasmo cune. E no ta gusta sunchi pasional y tin e tendencia di hasi su best pa no wak mi durante sex. Nunca tin foreplay. Mi a bise francamente con mi ta sinti, pero e ta bisa cu papiando nos ta empeora e problema. Mi ta stime hopi y nos relacion generalmente ta bon, pero mi ta sintimi frustra y rechasa. Mi no por conforma di no tin un sex life cu solamente 30 aña di edad.
Ainda bo ta den e estado di siña tocante otro y asimila con un relacion ariba termino largo lo ta. Te awor, bo a descubri cu e coneccion pasional cu bo tawada disfruta anteriormente, no a sobrebibi e transicion pa cohabitacion, y esaki ta un red flag. Sin embargo, semper e erotismo ta disminui ora hendenan tin mas acceso na otro. Nan por bira complaciente of asta floho. Pero esaki no ta nifica cu nan ta stima nan pareha menos. E hecho di cohabita ta pone nan bai den un comfort zone, y di otro banda e excitacion cu e encuentronan excepcional tawata ocasiona, ta haci falta. Tin bes esaki por wordo drecha door di purba reconstrui situacionnan den cual bo tawata tin bon sex, kizas sunchi den un auto of sex den un hotel.
Bo tin descisionnan pa tuma tocante bo necesidadnan den futuro. Bo por dicidi pa bai, pero lo por ta un mihor idea pa tin pasenshi awor, pasobra cosnan por mehora, asta si e no haci ningun esfuerso. Na e momento aki di Covid, nos mester tene cuenta cu e stress di cuarentena, inseguridad financiero y depresion general of ansiedad tocante locual ta pasando ariba mundo, por afecta negativamente e apetito y expresion sexual pa hopi hende.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio