Caya Frans Figaroa/Boegoeroei – Diasabra marduga a drenta informacion cu lo tin un problema entre dos ruman dilanti Imelda Hof situa na Boegoeroei.
Pues esaki lo tawata tumando luga dilanti Imelda Hof.
Mesora patruyana di Noord a bay e sitio y berdad a bin topa cu e situacion.
A resulta cu un di e rumannan tawata seriamente heridad na un brasa, y esaki tawata sangra hopi.
Esaki tawata motibo cu polis a pidi pa un ambulance cu urgencia.
Segun nos a compronde, e rumannan no a bringa. Parse cu un ruman lo tawata bou influencia y lo a trece algo dilanti un problema familiar cu aparentemente a surgi algun rato prome.
Aki posiblemente alcohol y emocion a bay halto y e lo a pasa su man door di glas, heridando su mes seriamente.
Ambulance a yega na e sitio y tambe otro famia y despues di un rato a bay Hospital cu e persona pa haya tratamento.
