Menasa a termina na detencion y arma di candela haya den auto, loke ta haci’e un delito serio

Ponton – Diasabra anochi den careda di 7’or pasa polis a bay e bar restaurant yama Wing Hung situa na Ponton.

Eynan lo tawata tin un caso di menasa.

Mirando cu autoridad ta tuma casonan di menasa serio y principalmente si tin arma envolvi, a bay mesora e sitio.

Na e sitio nan a logra detene un persona y durante cu nan a rista den un auto ariba e parkeer plaats a bin topa cu un arma di candela.

Esaki tawata motibo pa alerta departamento di recherche tambe.

E auto a wordo tuma den beslag pa mas investigacion y e persona a wordo hiba warda di polis, unda cu e lo mester responde pa locual ta wordo considera un delito hopi serio.

Dos persona mas a wordo deteni na e sitio, debi cu nan lo tawata stroba trabou di polis.