Oranjestad – Diabierna pa diasabra un biaha mas autoridad di Aruba a haya informacion cu lo tin boto cu lo bay drenta.
Manera na otro ocacionnan, autoridad local a prepara y ta logra captura 10 persona, entrenan un dama cu lo tawata tin e intencion di drenta Aruba na un manera ilegal.
Prome cu autoridad lo a escoltanan pa Aruba nan a benta un cantidad grandi di jerry cans, cu lo ta wordo haya durante diasabra den dia parti mainta.
Pues un biaha mas autoridad a logra stroba un boto carga cu personan cu kier drenta nos isla na un manera no legal, y ariba dje carga cu droga.
Den mayoria caso no solamente droga ta wordo treci Aruba, pero sa trece animalnan exotico, steroids, y arma di candela.
For di Cuerpo Policial nos a ricibi e siguiente comunicado:
” For di oranan tempran di anochi(diabierna) coleganan den radarkamer di polis a detecta un boto na mas o menos 7 miya leeuw for di Aruba y a bati alarma y cu un bon coordinacion conhuntamente cu coleganan di Kustwacht, Central di Polis, kustsurveillance, helicopter di polis y coleganan di districto di San Nicolas a bin intercepta e boto aki cu 10 persona abordo. E boto y personanan a wordo hiba Marinierskazerne pendiente di mas investigacion”.
