Home » Oficialnan electoral ta lucha pa conta voto den estadonan crucial

Oficialnan electoral ta lucha pa conta voto den estadonan crucial

by Admin
0 comment 55 views

ATLANTA (AP) — Oficialnan electoral den varios estado crucial ta luchando pa conta voto diaranson, mientras mundo ta wardando ariba e resultado di e careda entre Presidente Donald Trump y su contrincante democratico Joe Biden, y ta prepara pa posibel reconteo y bataya legal.
Contrario na añanan anterior, estadonan a ricibi un avalancha di voto via post, pa motibo di e pandemia mundial. Tur eleccion, locual ta wordo raporta ariba e anochi di eleccion, ta resuldadonan inoficial y e conteo di voto ta sigui despues di eleccion. E aña aki, cu asina tanto voto via post y un margen di diferencia asina chikito, tawata di spera cu pa conta tur voto lo tuma mas tempo.
GEORGIA
Secretario di Estado Brad Raffensperger a bisa cu e ta pushando pa esnan cu ainda ta contando, finalisa e conteo, faltando ainda 100.000 voto pa conta diaranson anochi.
Tawata tin un margen hopi chikito entre Trump y Biden na Georgia, un estado cu desde 1992 no a sostene ningun candidato democratico pa presidente. No tin reconteo automatico, pero un candidato por pidi un, si e margen ta menos di 0.5%.
Mayoria di e votonan cu falta pa conta ta procedente di e area di Atlanta, cu tin e tendencia di ta democratico.
Georgia tin 16 voto electoral.
MICHIGAN
Diaranson the Associated Press a predeci cu Biden lo gana Michigan, mientras cu Trump a entama un proceso legal na Michigan y otro estadonan na unda e bataya ainda ta andando.
Secretary of State Jocelyn Benson a pidi pa tene pasenshi mientras tawata contanto miles di voto cu a wordo ricibi dia di eleccion. Varios di esakinan tawata procedente di ciudadnan democratico manera Detroit, Grand Rapids, Flint y Kalamazoo.
In su caso legal Trump a pidi acceso pa observadornan na lugarnan unda e votonan ta wordo procesa y conta. Manager di campaña Bill Stepien a bisa cu su observadornan no a wordo duna acceso debido pa monitor e habrimento di votonan durante e conteo.
Michigan tin 16 electoral votes.
NEVADA
Resultadonan inoficial a mustra cu Biden tin un bentaha hopi chikito ariba Trump, pero tawata demasiado tempran pa declare como ganador, cu un cantidad grandi di voto pa conta ainda.
E cantidad di voto cu falta ainda pa conta ta dificil pa determina pasobra Nevada a opta pa manda stemkaart pa 1.7 miyon votador activo registra e aña aki door di e pandemia. Ta dificil pa predeci cuanto di nan lo manda esakinan bek.
Nevada tin 6 electoral votes.

NORTH CAROLINA
Aunque Trump a remarca corectamente cu e tin un bentaha di 77.000 voto, ainda ta demasiado tempran pa declare ganador, mirando cu ainda tin 116.000 voto via post pa conta, como tambe miles di voto provisional.
North Carolina tin 15 electoral votes.
PENNSYLVANIA
Falta mas o menos 1 miyon voto pa conta na Pennsylvania y Trump a indica cu e lo tuma accion legal pa para e conteo.
Oficialnan electoral di estado a adverti cu lo tuma dias pa conta voto door di e cantidad grandi di voto ausente pa motibo di e pandemia.
Un pregunta ta, kiko lo pasa cu e votonan cu drenta despues di dia di eleccion. Segun ley di e estado, e votonan aki ta conta, tanten cu nan drenta prome cu dia 7 di november. Trump a bisa cu e lo interveni den un caso na Supreme Court tocante e pregunta aki.
Pennsylvania tin 20 electoral votes.
WISCONSIN
The Associated Press a declara Wisconsin pa Biden diaranson merdia y Trump a bisa cu e lo pidi reconteo inmediato alegando “iregularidad den varios condado”
Tur voto a wordo conta, cu excepcion di 300 voto cu ainda falta di un ciudad, y un cantidad desconoci di voto povisional, cu ta suma menos di 1.000, basa ariba eleccionnan previo.
Biden su bentaha tawata mas o menos 20.000 voto y esaki ta dentro di e margen di 1 punto, pa reconteo.
Wisconsin tin 10 electoral votes.
Fuente: AP

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio