Home » Parlamentario Darlaine Guedez-Erasmus (MEP): Den momento mas dificil, por a mira e sosten di mas sincero!

Parlamentario Darlaine Guedez-Erasmus (MEP): Den momento mas dificil, por a mira e sosten di mas sincero!

by Admin
0 comment 41 views

Dialuna 2 november 2020 den un reunion publico a trata presupuesto supletorio 2020. Na maart di e aña aki Parlamento di Aruba a aproba e presupuesto 2020. Door di e crisis di COVID-19 no por a realisa esaki manera tabata stipula. Mester a haci hopi ahuste bou di ministerionan pa asina pone prioridadnan cu tabata necesario na e momento ey. 

Presupuesto 2020 

E presupuesto a percura pa hopi famianan y negoshinan por a conta cu sosten den forma di Fase, Loonsubsidie y ayudo humanitario. Gobierno di Aruba a haci un peticion na Parlamento di Aruba pa aproba 750.000 florin pa asina por brinda famianan na Aruba pakete di cuminda. 

Presupuesto supletorio 

Durante e presupuesto supletorio parlamentarionan a haci varios pregunta y hunto a evalua e prioridadnan un biaha mas pa asina alinea e necesidadnan mas grandi di nos pais di awo te cu fin di aña aki. Locual a pone hopi enfasis riba dje tambe ta e siguiente paso cu mester wordo tuma pa por sali mas liher y fuerte for di e crisis. Esaki ta e proyectonan di e masterplan “Reposicionando e Rumbo di Nos Pais” cu lo trese entrada pa nos pais y sigur brinda cuponan di trabou pa ciudadanonan. 

Conclusion

Apesar di retonan grandi cu Gabinete Wever-Croes a encontra e aña aki, a sa di hiba un maneho cu bista riba tur e necesidadnan di nos pais. E crisis aki ta un problema di salud, pero a toca tur tereno, vooral e economia di nos pais. Awor cu e aprobacion di e presupuesto supletorio 2020 por sigui brinda pakete di cuminda, sigui paga Fase, loonsubsidie, asistencia financiero na empresanan chikito y mediano y sigur sin lubida e alivio fiscal. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio